Castell Harlech

Petai Castell Harlech ddim ond yn enwog am ei safle ysblennydd a’i olwg o rym diysgog, byddai hynny’n ddigon, ond mae gan y castell godidog hwn hefyd gysylltiad â chwedlau Cymreig y gorffennol drwy gyfrwng hanes trist Branwen geir yn y Mabinogi. Dim rhyfedd felly mai Harlech yw un o gadarnleoedd mwyaf cyfarwydd Prydain, ac mae’r olwg a gewch ohono o’r graig i’r de o’r dref, gyda’r môr a’r mynydd yn gefndir iddo, yn ddigon o ryfeddod.

Codwyd y castell yn ystod ail gyfnod ymgyrchoedd Edward I yng ngogledd Cymru, ac mae’n un o’r cylch cadarn o gestyll sy’n dilyn arfordir Eryri.

Mae’r castell hwn yn cael ei gyfri’n Safle Treftadaeth y Byd.